Новости путешествий
Отдых в России
Личный опыт
Заграница
Лайфхаки
Путеводители

Кэбээйигэ култуура тэрилтэлэрэ бастыҥ тиэргэн иһин күрэстэһэллэр

Тупсарыы сыла кэбээйилэри үлэҕэ-хамнаска улаханнык көҕүлүүр. Улуустааҕы култуура уонна туризм салалтата улуус култууратын тэрилтэлэригэр «Тупсаҕай көстүү — ситиһии төрдө» диэн куонкурус биллэрбитэ. Күрэстэһии ахсынньы саҥатыгар түмүктэниэхтээх. Кыайыылаах тэрилтэҕэ «Бастыҥ тиэргэннээх култуура тэрилтэтэ» диэн аат иҥэриллиэхтээх. Кэбээйитээҕи култуура-сынньалаҥ киинэ (сал.Н.Полятинская) бу күрэстэһиигэ сорунуулаахтык ылсан үлэ-хамнас тиһиктээхтик ыытыллар. Ол курдук, сайын сүүсчэкэҕэ чугаһыыр дьэрэкээн сибэккилэри олордон, нэһилиэнньэ болҕомтотун тартыбыт. Дьоҕус тиэргэн тулатыгар сылын аайы талах, мас арааһын эбэрбит хараҕы үөрдэр. Үүнээйибит чээлэй күөх турарын ситиһэр туһуттан уу кутан, сыыс оттоон көрөбүт-истэбит, бүөбэйдиибит.

Кэбээйигэ култуура тэрилтэлэрэ бастыҥ тиэргэн иһин күрэстэһэллэр
Фото: ЯСИА.RUЯСИА.RU

Бэйиэт-драматург, буойун, биир дойдулаахпыт Тимофей Сметанин аатынан Кэбээйитээҕи култуура-сынньалаҥ киинин иһинэн үлэлиир норуодунай тыйаатырга граниттан мемориальнай дуоска оҥоһулунна. Ону сэргэ, ытык киһибит олоҕун, айар үлэтин сырдатар ультрафиолетовай бэчээтинэн оҥоһуллубут истиэндэ, тыйаатыр артыыстарын, режиссердарын, үлэлээн ааспыт худуоһунньуктарын билиһиннэрэр витриналар, култуура тэрилтэтигэр үлэлээбит дириэктэрдэр хаартыскалара, Кэбээйи талааннаахтарын, уран тарбахтаахтарын кэпсиир органическай таастан анал истиэндэ кэрэхсэбили ылаллар. Аныгы үйэ ирдэбилигэр эппиэттиир тэрилтэ саалатыгар уонна сыанаҕа сахалыы оһуордаах баннердар баар буолбуттара харахха тута быраҕыллаллар, тэрилтэни ситэрэн-тупсаран көрдөрөллөр. Ити курдук, бэртээхэй куонкурус үлэни күүһүрдэргэ, сайыннарарга бигэ тирэх буолла. 1 из 3